پاکستانی ہائی کمیشن نئی دہلی نے بابا گرو نانک کی سالگرہ کی تقریبات کیلیے بھارتی سکھ یاتریوں کو ویزے جاری کر دیے۔
ترجمان پاکستانی ہائی کمیشن نئی دہلی کی جانب سے جاری بیان میں کہا گیا کہ بابا گرونانک دیو جی کی سالگرہ کی تقریبات میں شرکت کیلیے ویزے جاری کیے گئے، سکھ یاتریوں کو جاری شدہ ویزوں کی تعداد 2100 سے زائد ہے۔
سوشل میڈیا پلیٹ فارم ایکس پر جاری بیان میں کہا گیا کہ بابا گرونانک دیو جی کی سالگرہ کی تقریبات 4 سے 13 نومبر 2025 تک پاکستان میں ہوں گی۔
بھارتی وزارت داخلہ نے ایڈوائزری جاری کرتے ہوئے سکھ یاتریوں کو پاکستان آنے سے روکا جبکہ دنیا بھر سے سکھ یاتری کرتار پور مذہبی رسومات کیلیے پہنچ چکے ہیں۔
پابندی کے خلاف سکھ یاتری کا شدید رعمل سامنے آیا۔ پاکستان سکھ گردوارہ پربندھک کمیٹی کے سربراہ سردار رمیش سنگھ اروڑہ نے کہا تھا کہ یہ بنیادی مذہبی حقوق کی خلاف ورزی ہے جب پاکستان بھارت کا کرکٹ میچ ہو سکتا ہے تو سکھ یاتری پاکستان کیوں نہیں جا سکتے؟
وزیرِ اعلیٰ بھارتی پنجاب بھگونت مان نے کہا تھا کہ مرکزی حکومت کو مذہبی آزادی میں رکاوٹ ڈالنے کا کوئی حق نہیں ہے
