اسلام آباد: اسٹیٹ بینک کے تازہ اعداد و شمار کے مطابق نومبر 2025 میں پاکستان کا کرنٹ اکاؤنٹ 10 کروڑ ڈالر کے سرپلس میں رہا، جبکہ اکتوبر میں ملکی کرنٹ اکاؤنٹ 29 کروڑ ڈالر کے خسارے میں تھا۔
اسٹیٹ بینک کے مطابق اکتوبر 2025 میں کرنٹ اکاؤنٹ کا خسارہ 291 ملین ڈالر تھا، جبکہ نومبر 2024 میں کرنٹ اکاؤنٹ 709 ملین ڈالر کے سرپلس میں رہا۔
رپورٹ کے مطابق رواں مالی سال کے پہلے 5 ماہ میں کرنٹ اکاؤنٹ خسارہ 812 ملین ڈالر رہا، جب کہ گزشتہ مالی سال کے اسی عرصے میں کرنٹ اکاؤنٹ 503 ملین ڈالر کے سرپلس میں تھا۔
ماہرین کا کہنا ہے کہ بیرون ملک پاکستانیوں کی جانب سے ترسیلات زر میں اضافہ ملکی کرنٹ اکاؤنٹ کو مستحکم رکھنے میں اہم کردار ادا کر رہا ہے۔
