اسلام آباد: معروف یوٹیوبر سعد الرحمان المعروف ڈکی بھائی نے اعتراف کیا ہے کہ 100 دن جیل میں رہنے کے بعد وہ وی لاگ بنانا بھول گئے تھے۔
رہائی کے بعد انہوں نے اپنا پہلا باقاعدہ فیملی وی لاگ جاری کیا، جس میں انہوں نے بتایا کہ وی لاگ ریکارڈ کروانے میں انہیں خاصی مشکل پیش آئی، حالانکہ ماضی میں وہ اس کام میں ماہر تھے۔
ڈکی بھائی کے مطابق وی لاگ کی ریکارڈنگ کے لیے وہ 30 منٹ تک بار بار ری ٹیک کرتے رہے اور وی لاگ میں اپنے مختلف ری ٹیکس کی ویڈیوز بھی شامل کیں۔ انہوں نے مزید اعتراف کیا کہ وی لاگ کی پہچان سمجھی جانے والی ان کی بچگانہ اداکاری اب کہیں کھو سی گئی ہے۔
وی لاگ کے دوران ارووب نے کہا کہ وہ چاہتی تھیں کہ ڈکی بھائی زیادہ سنجیدہ ہوں اور وزن کم کریں، اور یہ تبدیلی جیل جانے کے بعد ہی ممکن ہو سکی۔
ڈکی بھائی نے انکشاف کیا کہ جیل جانے سے پہلے ان کا وزن 99 کلوگرام تھا، جو رہائی کے بعد کم ہو کر 81 کلوگرام ہو گیا۔ یاد رہے کہ ڈکی بھائی جوئے کی ایپ کی تشہیر کے الزام میں گرفتار ہوئے تھے اور بعد ازاں ضمانت پر رہائی حاصل کی۔
