ناروے کے ہاتھوں اسرائیل کو بدترین شکست سے دوچار ہونا پڑا، اسرائیلی فٹبال ٹیم حریف کے خلاف ایک بھی گول کرنے میں ناکام رہی۔
ورلڈکپ کوالیفائر کے مقابلے میں ناروے نے اسرائیل کو 0-5 سے عبرتناک شکست دیدی، ایرلنگ ہالینڈ نے شاندار کھیلا کا مظاہرہ کرتے ہوئے ہیٹ ٹرک مکمل کی، ہالینڈ نے بین الاقوامی فٹبال میں تیز ترین 50 گول مکمل کرکے نیا ریکارڈ بھی قائم کردیا۔
میچ سے پہلے اوسلو میں اسرائیل کےخلاف فلسطین کے حق میں بڑا مظاہرہ کیا گیا، گراؤنڈ کے باہر فری فلسطین کے نعرے لگائے گئے، اسرائیلی نسل کشی کیخلاف احتجاج کیا گیا۔
ناروے اور اسرائیل کے میچ سے پہلے کافی زیادہ احتجاجی مظاہرین جمع ہوگئے تھے، جنھیں منتشر کرنے کےلیے پولیس کو شیلنگ کرنا پڑی۔
خیال رہے کہ ورلڈکپ کوالیفائر میں ناروے گروپ 1 میں 18 پوائنٹس کےساتھ سرفہرست ہے جبکہ اٹلی دوسرے نمبر پر ہے، اٹلی نے ایسٹونیا کو 1-3 سے شکست دےکر کوالیفائنگ امکانات برقرار رکھے ہیں
