نجی اسکولز کی فری شپ آڈٹ کرانے کی ہدایت جاری

کراچی: وزیرتعلیم سید سردار علی شاہ اور سیکرٹری تعلیم زاہد علی عباسی نے نجی اسکولز کی 10 فیصد فری شپ آڈٹ کرانے کی ہدایت کر دی۔
سندھ ہائیکورٹ سکھر بینچ کے فیصلے کی روشنی میں آڈٹ کی ہدایت کی گئی ہے جس کے لیے پہلے مرحلے میں سندھ بھر کے 6 رینجز کے اسکولز کو خطوط جاری کیے گئے ہیں۔
ایک سے زائد برانچز والے تمام اسکولز کا ریکارڈ طلب کر لیا گیا ہے۔
ڈسٹرکٹ کمیٹیاں 15دن میں اسکولز کا دورہ کر کے فری شپ کا مکمل آڈٹ کریں گی جس کی آڈٹ رپورٹ سندھ ہائیکورٹ سکھر بینچ میں جمع کرائی جائے گی۔
سندھ ہائیکورٹ نے ڈائریکٹوریٹ آف انسپکشن کو 10نومبر کو ریکارڈ سمیت طلب کیا ہے۔ 10فیصد فری شپ پر عملدرآمد نہ کرنے والے اسکولز کی رجسٹریشن معطل یا منسوخ ہو گی۔
دوسرے مرحلے میں صوبے بھر کے اسکولز میں 2 فیصد فری شپ فراہمی کا آڈٹ کیا جائے گا۔ آڈٹ ٹیموں سے تعاون نہ کرنے والے اسکول توہین عدالت کے مرتکب قرار پائیں گے۔