سندھ حکومت کی ترجمان سعدیہ جاوید کا کہنا ہے کہ ایم کیو ایم پاکستان کے رہنماؤں سے سکیورٹی واپس لینے کی یقیناً کچھ وجوہات ہوں گی۔شہر میں پولیس کم ہے ہوسکتا ہے اس وجہ سے ایم کیو ایم پاکستان کے رہنماؤں سے پولیس سکیورٹی واپس لی گئی ہو۔ میرے پاس کوئی پولیس سکیورٹی نہیں ہے، سندھ کے حکومتی ایم پی ایز کے پاس بھی کوئی سکیورٹی نہیں ہے۔
سعدیہ جاوید کا کہنا تھا کہ ایم کیوایم کے بہت سے ایم پی ایز نے سیکیورٹی لے رکھی تھی لیکن فی الحال انکی سیکیورٹی واپس لئے جانے سے متعلق انہیں کوئی علم نہیں ہے۔
