لانچنگ سے محض چند روز قبل آئی فون17 کا سب سے بڑا فیچر لیک

لانچنگ سے محض چند دنوں قبل آئی فون17 کا سب سے بڑا فیچر لیک ہوگیا، ایپل کی جانب سے مذکورہ فون کی لانچنگ 9 ستمبر کو متوقع ہے۔
ایپل کے ستمبر میں ہونے والے ایونٹ کے حوالے سے اب تک کا سب سے بڑا انکشاف سامنے آیا ہے، کئی قیا آرائیوں میں کہا جارہا ہے کہ یہ ممکنہ طور پر اب تک کا سب سے پتلا آئی فون ہوگا، جس کی پیمائش صرف 5.5 ملی میٹر ہوگی اور اس میں 6.6 انچ کا بڑا ڈسپلے پیش کیا گیا ہے۔
دیگر رپورٹس کے مطابق کپرٹینو (Cupertino) پر مبنی ٹیک کمپنی کے آنے والے آئی فون17 ایئر میں پورٹیبلٹی پر توجہ مرکوز کی گئی ہے، یہ فیچر اسے تاریخ کا سب سے پتلا اور ہلکا ترین آئی فون بنائے گا۔
یہ بھی پڑھیں: آئی فون پرو17 کی قیمت صرف 145،000 روپے!
تاہم کئی رپورٹس آئی فون17 کی پائیداری کے حوالے سے سوالات اٹھائے گئے ہیں، تجزیہ کاروں کا خیال ہے کہ کمپنی کو حقیقی دنیا میں فون کی مضبوطی کو باور کرانے کی ضرورت ہوگی تاکہ صارفین کو قائل کیا جا سکے کہ معیار بہترین ہے۔
مزید یہ کہ آئی فون 17 ایئر میں گوگل کی پکسل 10 پرو سیریز کی طرح اے سے چلنے والے زوم فیچر کو شامل کیے جانے کا امکان ہے، یہ 12 جی بی ریم کے ساتھ A19 چپ پر مشتمل ہوگا، ایک نئی سلیکون اینوڈ بیٹری بھی فون کی کارکردگی کو بڑھائے گی