خوفناک ٹریفک حادثہ، ایک ہی خاندان کے 5 افراد جاں بحق

گوجرانوالہ (25 اکتوبر 2025): پنجاب کے شہر گوجرانوالہ میں خوف ناک ٹریفک حادثے میں ایک ہی خاندان کے 5 افراد جاں بحق ہو گئے۔
گوجرانوالہ کے علاقے قلعہ دیوان سنگھ کے قریب ایک افسوس ناک ٹریفک حادثہ پیش آیا ہے، جس کے نتیجے میں پانچ افراد جاں بحق اور 4 زخمی ہو گئے۔
ریسکیو حکام کا کہنا ہے کہ حادثہ ٹرک اور وین میں تصادم کے باعث پیش آیا، جاں بحق افراد کا تعلق ایک ہی خاندان سے تھا، جن میں جبران، امجد، عذرا، رخسانہ اور نسرین شامل ہیں۔
حادثے کے زخمیوں کو ڈسٹرکٹ ہیڈکوارٹرز اسپتال منتقل کر دیا گیا ہے، ریسکیو حکما کا کہنا ہے کہ حادثے کا شکار خاندان مختار کالونی جناح روڈ کا رہائشی ہے۔
ادھر کمالیہ میں رجانہ موٹر وے ایم تھری پر ٹریفک حادثے میں بھی 3 افراد جاں بحق، اور 11 زخمی ہو گئے ہیں، جاں بحق افراد میں ایک سال کا بچہ اور 2 خواتین شامل ہیں، ریسکیو حکام کا کہنا ہے کہ حادثہ ملتان سے لاہور جانے والی ڈبل کیبن گاڑی کی ٹرک کو ٹکر کے باعث ہوا، گاڑی آگے جانے والے سبزی سے بھرے ٹرک سے ٹکرائی۔
گاڑی میں ایک ہی خاندان کے بچوں اور خواتین سمیت 14 افراد سوار تھے، لاشوں اورزخمیوں کو ڈسٹرکٹ اسپتال ٹوبہ منتقل کیا گیا۔