اسلام آباد(25 اکتوبر 2025): ڈپلومیٹک انکلیو اسلام آباد میں بھی پیڈل ٹینس کا آغاز ہوگیا۔
وفاقی وزیر داخلہ محسن نقوی، امریکی قائم مقام سفیر نیٹلی بیکر نے پیڈل ٹینس کورٹ اور فٹنس ایرینا کا افتتاح کیا، وفاقی وزیر چوہدری سالک حسین بھی موجود تھے۔
محسن نقوی، نیٹلی بیکر، چوہدری سالک، چیئرمین سی ڈی اے محمد علی رندھاوا نے پیڈل ٹینس بھی کھیلی، اس موقع پر وفاقی وزیر داخلہ کا کہنا تھا کہ پیڈل ٹینس کورٹ سے ڈپلو میٹک کمیونٹی کو تفریح کی معیاری سہولت میسر آئے گی۔
انہوں نے کہا کہ کھیلوں اور صحت مند سرگرمیوں کے فروغ کو ترجیح حاصل ہے، ڈپلومیٹک انکلیو کی تزئین وآرائش پر کام شروع کردیا، جلد مکمل کر لیا جائے گا۔
وفاقی وزیر داخلہ کا کہنا تھا کہ ڈپلومیٹک کمیونٹی کو تمام سہولتیں فراہم کی جائیں گی، اسلامآباد کو عالمی معیار کا دارالحکومت بنایا جائے گا، کھیل اور ثقافت لوگوں کو جوڑنےکا اہم ذریعہ ہیں جبکہ مہمان نوازی اور خوش اخلاقی پاکستانی قوم کی پہچان ہے۔
ڈپلومیٹک انکلیو اسلام آباد میں پیڈل ٹینس کا آغاز
