اقوام متحدہ کی سلامتی کونسل میں پاکستان کا دوٹوک جواب

نیویارک(25 اکتوبر 2025): بھارتی مندوب کے بے بنیاد الزامات پر اقوام متحدہ کی سلامتی کونسل میں پاکستان نے دوٹوک جواب دے دیا۔
پاکستانی قونصلر گل قیصر سروانی نے یو این سلامتی کونسل میں بھارتی مندوب کو جواب دیتے ہوئے مود ی سرکار کا مکروہ چہرہ بے نقاب کر دیا۔
پاکستانی قونصلر نے کہا بھارت میں مسلمان، سکھ، عیسائی اور دلت ظلم و تشدد کا شکار ہیں، گجرات، دہلی اور منی پور کے قتل عام بھارت کے چہرے پر بدنما داغ ہیں۔
انہوں نے کہا کہ کشمیر ایک بین الاقوامی طور پر تسلیم شدہ متنازعہ علاقہ ہے، کشمیر کا معاملہ بھارت نے ہی سلامتی کونسل میں پیش کیا تھا، بھارت نے رائے شماری کے وعدے سے انحراف کیا اور فوجی قبضہ مسلط کیا۔
پاکستانی قونصلر نے کہا کہ بھارت کے زیر قبضہ کشمیر میں اجتماعی قبریں، جبری گمشدگیاں اور قتل عام جاری ہے، اقوامِ متحدہ کی دستاویزات کشمیر کو متنازعہ تسلیم کرتی ہیں، بھارت ریاستی دہشت گردی ختم کرے، سلامتی کونسل قراردادوں پر عمل کرے۔
پاکستان اور افغان طالبان کے درمیان مذاکرات آج ترکیہ میں ہوں گے