پاکستان کی نیشنل سائبر ایمرجنسی رسپانس ٹیم کے ڈائریکٹر جنرل ڈاکٹر حیدر عباس نے انکشاف کیا ہے کہ رواں سال پاکستان پر 400 سے زائد سائبر حملوں کی کوششیں کی گئیں، جنہیں بروقت کارروائی کے ذریعے ناکام بنا دیا گیا۔
ڈاکٹر حیدر عباس نے سائبر خطرات، خصوصاً ریاستی سرپرستی میں ہونے والے حملوں سے نمٹنے کے لیے وزیراعظم کی سربراہی میں بااختیار نیشنل سائبر سیکیورٹی اتھارٹی کے قیام کی تجویز دی ہے۔
ان کا کہنا تھا کہ سائبر سیکیورٹی قومی سلامتی کا اہم حصہ ہے، اس لیے غفلت برتنے والے اداروں کے خلاف مؤثر کارروائی اور سزا کا نظام ہونا چاہیے۔ انہوں نے مصنوعی ذہانت کے محفوظ استعمال کے لیے قانون سازی پر بھی زور دیتے ہوئے کہا کہ بڑھتے ہوئے سائبر خطرات کا مقابلہ کرنے کے لیے فوری اور مؤثر اقدامات ضروری ہیں۔
