مبینہ رپورٹ کے مطابق کراچی کے ایک شہری نے شاہ لطیف ٹاؤن تھانے کے پولیس اہلکاروں پر الزام عائد کیا گیا ہے کہ وہ شہریوں کے اغوا میں ملوث ہیں۔
اس سلسلے میں متاثرہ شہری نے سوشل میڈیا پر مذکورہ اہلکاروں کی ویڈیو وائرل کردی جس کے بعد ایس پی ملیر نے اس کا سختی سے نوٹس لیا۔
ایس پی ملیر نے شاہ لطیف تھانے کے ایس ایچ او کو شوکاز جاری کرتے ہوئے پولیس افسر سے تحریری وضاحت طلب کرلی ہے۔
پولیس حکام کا کہنا ہے کہ شاہ لطیف تھانے کے اہلکاروں پر شہریوں کو اغوا کرکے بھتہ لینے کا الزام عائد کیا گیا ہے، جس کی محکمانہ انکوائری ایس ڈی پی او ملیر سٹی کے سپرد کر دی گئی ہے
