کراچی میں سردی کی آمد کے حوالے سے بڑی پیش گوئی

کراچی(یکم نومبر 2025): محکمہ موسمیات نے کراچی میں سردی کی آمد کے حوالے سے بڑی پیش گوئی کردی اور کہا آج موسم گرم اور خشک رہے گا۔
محکمہ موسمیات کے مطابق شہر میں نمی کا تناسب کم ہے، آج موسم گرم وخشک ہے، صبح سویرے خنکی جبکہ دن بھر گرم موسم کا راج رہےگا۔
محکمہ موسمیات پیش گوئی کی ہے کہ نومبر میں درجہ حرارت میں کمی متوقع ہے، کراچی میں دن اور رات کا پارہ 1 سے 2 ڈگری کم ہونے کا امکان ہے جبکہ رواں سال کی سردی خُشک رہنے کا امکان ہے۔
محکمہ موسمیات کے مطابق آج زیادہ سے زیادہ درجہ حرارت 34 سے 35 ڈگری تک جانے کا امکان ہے، شمال مشرقی سمت سے ہلکی رفتار سے ہوائیں چل رہی ہیں۔
محکمہ موسمیات کا کہنا ہے کہ شہر کی ہوا میں نمی کا تناسب اس وقت 50 فیصد ہے جبکہ شہر کی فضا آلودہ، ہوا میں آلودہ ذرات کی شرح 158 پرٹیکیولیٹ میٹرز ریکارڈ ہوا۔
اس کے علاوہ بین الاقوامی ویب سائٹ کے مطابق قصور میں سب سے زیادہ 686 پارٹیکولیٹ میٹر ریکارڈ کیے گئے ہیں، رائے ونڈ میں 601، گوجرانوالہ میں 442، فیصل آباد میں 337 اور شیخوپورہ میں 358 پارٹیکولیٹ میٹر ریکارڈ کیے گئے ہیں۔
محکمہ ماحولیات پنجاب کا کہنا ہے کہ لاہور کا ایئر کوالٹی انڈیکس 450 ہے۔ پاکستان کے آلودہ ترین شہروں میں لاہور تیسرے نمبر پر ہے، طبی ماہرین نے شہریوں کو ماسک کے استعمال اور بغیر ضرورت گھروں سے باہر نہ نکلنے کی ہدایت کی ہے۔