کراچی: چھوٹی بچیوں کو زیادتی کا نشانہ اور ویڈیوز بنانے والا ملزم پکڑا گیا

رہنما نیوز کے مطابق زیادتی کی دفعات کے تحت ڈیفنس تھانے میں ملزم کے خلاف مقدمہ درج کرلیا گیا، اہلخانہ کی مدعیت میں زیادتی کا مقدمہ درج کیا گیا، مدعی مقدمہ نے بتایا کہ میری 10 اور 12 سالہ بیٹی کے ساتھ زیادتی کی گئی۔
پولیس نے بتایا کہ بچیوں کے مطابق گرفتار ملزم کئی بار غیراخلاقی حرکتیں کرچکا ہے، واقعے کی تحقیقات کررہے ہیں۔
ملزم کی شناخت کے حوالے سے پولیس نے بتایا کہ اس کا نام شبیر احمد ہے اور اس موبائل سے کئی ویڈیوز برآمد کی گئی ہیں، ویڈیوز کے ذریعے متاثرین کو تلاش کررہے ہیں۔
ملزم پر ایک ہفتے کے دوران 3 مقدمات درج کیے جاچکے ہیں، ملزم اب تک متعدد چھوٹی بچیوں کو زیادتی کا نشانہ بناچکا ہے۔
پولیس نے مزید بتایا کہ ملزم کے موبائل فون سے جو ویڈیوز ملی ہیں، ان ویڈیوز کو فرانزک کےلیے بھیج دیا گیا ہے