کرکٹ ویب سائٹ کی رپورٹ کے مطابق پاکستان اور عمان کی ٹیمیں ایشیا کپ میں کل مدمقابل آئیں گی لیکن میچ سے قبل کپتان سلمان آغا گردن کی تکلیف میں مبتلا ہوگئے، انہوں نے تکلیف کی وجہ سے تربیتی سیشن میں بھی حصہ نہیں لیا۔
سلمان آغا گلے میں پٹی باندھے ہوئے نظر آئے باقی ٹیم وارم اپس، اسٹریچنگ ایکسرسائز اور فٹبال کے سیشن میں مصروف تھی۔
پی سی بی کے میڈیا منیجر کے مطابق سلمان علی آغا کو ہلکی سی تکلیف ہے اور فٹنس کے کوئی سنگین خدشات نہیں ہیں۔
انہوں نے کہا کہ کپتان نے بطور احتیاط سیشن کو چھوڑا اور وہ جلد ہی ٹیم کے ساتھ مکمل تربیتی سیشن میں حصہ لیں گے۔
ٹیم انتظامیہ پر امید ہے کہ سلمان علی آغا ایشیا کپ کے میچوں کے لیے مکمل طور پر فٹ اور دستیاب ہوں گے۔
واضح رہے کہ ایشیا کپ 2025 کے لیے پاکستانی اسکواڈ میں سلمان آغا (کپتان)، ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، خوشدل شاہ، محمد حارث (وکٹ)، محمد نواز، محمد وسیم، صاحبزادہ فرحان، صائم ایوب، سلمان مرزا، سفیان شاہ، سفیان شاہ شامل ہیں
