کراچی: بلدیہ میں ٹریلر نے 3 موٹر سائیکلوں کو کچل دیا

تفصیلات کے مطابق کراچی کے علاقے بلدیہ 2 نمبر کے قریب ٹریلر نے 3 موٹر سائیکلوں کو کچل دیا، حادثے میں 4 موٹر سائیکل سوار زخمی ہوگئے جنہیں سول اسپتال منتقل کردیا گیا ہے۔
ریسکیو حکام کا کہنا ہے کہ 22 ویلر ٹریلرکے نیچے 3 موٹر سائیکلیں دبی ہوئی ہیں، ریسکیو رضا کار اور ٹریفک پولیس موقع پر پہنچ  ہیں۔
دوسری جانب کراچی کے علاقے ڈیفنس فیز 2 میں ڈکیتی مزاحمت پر فائرنگ سے باپ اور بیٹا زخمی ہوگئے، زخمیوں کی شناخت 45 سالہ شاہد 22 سالہ اسامہ عمر کے نام سے ہوئی ہے۔
اس سے قبل کراچی میں حب ریور روڈ پر ڈمپر کی ٹکر سے رکشہ میں سوار ایک شخص جاں بحق اور تین افراد زخمی ہوئے تھے۔
ریسکیو حکام کا کہنا تھا کہ 45 سالہ متوفی شاہ محمد اپنے بیٹے کی شادی کیلیے شاپنگ کرنے پشین سے کراچی آیا تھا، لاش اور زخمیوں کو اسپتال منتقل کر دیا گیا، حادثہ کے بعد ڈمپر ڈرائیور موقع سے فرار ہوگیا تھا جس کی فوٹیج کی مدد سے تلاش جاری رہی