کالعدم تحریکِ طالبان پاکستان، اہم رکن نے سرنڈر کردیا

کالعدم تحریکِ طالبان پاکستان (ٹی ٹی پی) سے تعلق رکھنے والے اہم رکن زبیر عرف ساحل نے سرنڈر کردیا۔
ڈی پی او کرک کے مطابق کالعدم ٹی ٹی پی سے تعلق رکھنے والے اہم رکن نے سرنڈر کردیا، زبیر عرف ساحل نے مشران کی موجودگی میں خود کو پولیس کے حوالے کیا۔
کالعدم ٹی ٹی پی سے تعلق رکھنے والے اہم رکن زبیر عرف ساحل نے سرنڈر کرنے کے بعد کہا کہ اسلام کے نام پر نوجوانوں کو ورغلانے والے ملک وقوم کے دشمن ہے۔
دوسری جانب ضلع لکی مروت کی تحصیل غزنی خیل کے عوام دہشت گردوں سے تنگ آکر ان کے خلاف میدان میں نکل آئے۔
تحصیل غزنی خیل کے عوام نے جرگہ کیا جس میں دہشت گردوں کو علاقے سے نکل جانے کے لئے کہا گیا، مشران اور عوام کا کہنا تھا علاقے کو کسی بھی دہشت گرد یا سماج دشمن عناصر کے لیے محفوظ پناہ گاہ نہیں بننے دیا جائے گا امن و امان ہر صورت قائم رکھا جائے گا۔
مقررین نے عزم ظاہر کیا اپنی سرزمین دہشت گردوں سے پاک کرنے کے لیے پولیس اور سیکیورٹی فورسز کے شانہ بشانہ کھڑے ہیں اور عوام کسی قربانی سے دریغ نہیں کریں گے