پاکستان کرکٹ ٹیم کے سابق کپتان شعیب ملک نے اپنی دوسری بیوی، اداکارہ ثنا جاوید سے طلاق کی افواہوں کو خاموشی سے مسترد کر دیا۔
پاکستانی اداکارہ ثنا جاوید اور کرکٹر شعیب ملک کی شادی جنوری 2024 میں ہوئی تھی جس نے شوبز اور کرکٹ دونوں دنیا میں خاصی ہلچل مچائی، اس رشتے کو ابتدا ہی سے تنازعات کا سامنا رہا کیونکہ دونوں نے اپنے پچھلے تعلقات کے باضابطہ خاتمے کے اعلان سے قبل ہی نئی زندگی کا آغاز کیا۔
حالیہ دنوں میں سوشل میڈیا پر وائرل ایک مختصر ویڈیو نے ان کے رشتے پر سوالیہ نشان لگا دیا ہے، ویڈیو میں دونوں ایک ساتھ بیٹھے دکھائی دیتے ہیں لیکن ان کے درمیان نمایاں فاصلہ اور بے رُخی نے قیاس آرائیوں کو جنم دیا ہے کہ شاید تعلقات میں دراڑ آ گئی
تاہم اب شعیب ملک نے ان افواہوں کا جواب دیتے ہوئے انسٹاگرام پر اپنی بیوی کے ساتھ نئی تصاویر شیئر کی ہیں، کیپشن میں انہوں نے لکھا، ’’ان کے ساتھ دن گزارنا ہمیشہ اچھا رہا ہے۔‘‘ یہ تصاویر جوڑے کی کیلیفورنیا کی تعطیلات سے لی گئی ہیں۔
واضح رہے کہ شعیب ملک اور ثناء جاوید نے اس سے قبل بالترتیب ٹینس اسٹار ثانیہ مرزا اور گلوکار عمیر جسوال سے شادی کی تھی۔
