ایران : رہائشی عمارت میں گیس کے سبب دھماکا

ایران کی رہائشی عمارت میں گیس کے سبب دھماکا ہوا ہے، دھماکے کے نتیجے میں 6 افراد لقمہ اجل بن گئے۔
غیر ملکی میڈیا کا اس حوالے سے کہنا ہے کہ گیس دھماکا ایران کے شہر ہواز کی رہائشی عمارت میں ہوا جس کے باعث اب تک 6 افراد کے جاں بحق ہونے کی تصدیق ہوچکی ہے۔
رپورٹ کے مطابق دھماکے سے عمارت کو شدید نقصان پہنچا اور عمارت مکمل تباہ ہوگئی۔
ایرانی حکام نے واقعے سے متعلق مزید تفصیلات سے آگاہ نہیں کیا، تاہم اس حوالے سے تحقیقات کا آغاز کردیا گیا ہے۔
اس سے قبل اسپین کے دارالحکومت میڈرڈ کے ایک کیفے میں دھماکے کے باعث دو درجن کے قریب لوگ زخمی ہوگئے تھے۔

برطانوی خبر رساں ادارے رائٹرز کے مطابق ہفتہ کے روز اسپین کے دارالحکومت میڈرڈ میں ہونے والے دھماکے میں 21 افراد زخمی ہوئے جن میں سے تین کی حالت تشویشناک بتائی گئی۔
دھماکہ دوپہر کے اوقات میں تین بجے ہوا، ہنگامی سروس فراہم کرنے والے ادارے نے بتایا کہ میڈرڈ کے جنوبی وسطی ضلع ویلیکاس میں یہ دھماکا ہوا۔