آئی سی سی ویمنز کرکٹ ورلڈ کپ،پاکستان ویمنز کرکٹ ٹیم کولمبو پہنچ گئی

آئی سی سی ویمنز کرکٹ ورلڈ کپ 2025 میں شرکت کے لیے پاکستان ویمنز کرکٹ ٹیم کپتان فاطمہ ثنا کی قیادت میں کولمبو پہنچ گئی ہے۔
رپورٹس کے مطابق پاکستان ویمنز کرکٹ ٹیم کل سے ورلڈ کپ کی تیاریوں کا باقاعدہ آغاز کرے گی۔ پہلا ٹریننگ سیشن کل (25 ستمبر) دوپہر 2 بجے مقامی وقت کے مطابق شروع ہوگا۔
قومی ٹیم کی ٹریننگ کے لیے ٹیم انتظامیہ نے مکمل شیڈول تیار کرلیا ہے جس میں کھلاڑیوں کی فٹنس، فیلڈنگ اور نیٹ پریکٹس پر خصوصی توجہ دی جائے گی۔
پاکستان ٹیم ٹورنامنٹ سے قبل دو وارم اپ میچز بھی کھیلے گی۔ پہلا وارم اپ میچ 25 ستمبر کو میزبان سری لنکا کے خلاف کھیلا جائے گا جبکہ دوسرا میچ 28 ستمبر کو جنوبی افریقہ کے خلاف شیڈول ہے۔
پاکستان ویمنز ٹیم کا ایونٹ میں افتتاحی میچ 2 اکتوبر کو بنگلہ دیش سے ہوگا جبکہ 5 اکتوبر کو پاکستان کا سامنا روایتی حریف بھارت سے ہوگا۔
سری لنکن کھلاڑی ڈاسن شناکا نے ناپسندیدہ ریکارڈ اپنے نام کر لیا
پاکستان کا تیسرا میچ 8 اکتوبر کو آسٹریلیا کے خلاف، چوتھا 15 اکتوبر کو انگلینڈ کے خلاف، پانچواں 18 اکتوبر کو نیوزی لینڈ کے خلاف، چھٹا میچ 21 اکتوبر کو جنوبی افریقہ کے خلاف اور آخری لیگ میچ 24 اکتوبر کو ایک بار پھر سری لنکا کے خلاف ہوگا۔