صنم جاوید کی بہن فلک جاوید کی بازیابی کیلئے درخواست دائر

اسلام آباد: پاکستان تحریک انصاف کی رکن صنم جاوید کی بہن فلک جاوید کی بازیابی کیلئے درخواست دائر کردی گئی۔
تفصیلات کے مطابق اسلام آباد ہائیکورٹ میں صنم جاوید کی بہن فلک جاوید کی بازیابی کے لیے درخواست دائر کردی گئی۔
ایڈووکیٹ میاں علی اشفاق نے یہ درخواست والد جاوید اقبال کی جانب سے جمع کرائی۔
درخواست میں مؤقف اختیار کیا گیا کہ فلک جاوید کو عدالت کے سامنے پیش کرنے کا حکم دیا جائے اور ان کے خلاف درج مقدمات کی تفصیلات بھی فراہم کی جائیں۔
درخواست گزار نے عدالت سے استدعا کی کہ کیس کی سماعت آج ہی کی جائے۔