کراچی: ڈی ایچ اے گالف کلب کراچی میں پاکستان کی بلند ترین عمارتوں میں شامل منصوبے “برج قائد” کا سنگ بنیاد رکھ دیا گیا۔
میڈیا رپورٹ کے مطابق 82 منزلہ دو ٹاورز پر مشتمل برج قائد کی تعمیر کے آغاز کی تقریب ڈی ایچ اے گالف کلب میں منعقد ہوئی، جس میں ایڈمنسٹریٹر ڈی ایچ اے کراچی مہمان خصوصی تھے، جبکہ ڈی ایچ اے سٹی کے ایڈمنسٹریٹر، بلڈرز اور ڈیولپرز سمیت دیگر شخصیات نے شرکت کی۔
انتظامیہ کے مطابق برج قائد تقریباً 6 ایکڑ رقبے پر تعمیر کیا جائے گا، جبکہ پاکستان کے بلند ترین ٹاورز کی تعمیر کے لیے سول ایوی ایشن اتھارٹی سے ضروری منظوری بھی حاصل کر لی گئی ہے۔
تقریب سے خطاب کرتے ہوئے ایڈمنسٹریٹر ڈی ایچ اے سٹی بریگیڈیئر کاشف نعیم نے کہا کہ یہ منصوبہ جدید طرزِ تعمیر کا شاہکار ہوگا اور کراچی کی معاشی ترقی میں اہم کردار ادا کرے گا۔
