کراچی: پاکستان کرکٹ ٹیم کے سابق کپتان شاہد آفریدی نے کہا ہے کہ کراچی جیسے شہر کو چھوڑ کر اسلام آباد منتقل ہونا ان کے لیے ایک مشکل فیصلہ تھا۔
فواد عالم شو میں گفتگو کرتے ہوئے شاہد آفریدی کا کہنا تھا کہ کراچی ان کا آبائی شہر ہے جہاں انہوں نے زندگی کا بڑا حصہ گزارا اور یہاں کے لوگوں سے انہیں خاص محبت ہے۔
انہوں نے کراچی کی موجودہ صورتحال پر افسوس کا اظہار کرتے ہوئے کہا کہ جب وہ سنتے ہیں کہ کوئی کراچی کو پیرس قرار دیتا ہے تو انہیں حیرت ہوتی ہے، کیونکہ شہر کے حالات دیکھ کر دکھ اور شرمندگی محسوس ہوتی ہے۔
شاہد آفریدی نے کہا کہ کراچی کے لوگ بہت شاندار ہیں اور انہوں نے یہاں بہت خوبصورت وقت گزارا ہے۔ ان کا کہنا تھا کہ اسلام آباد کا موسم اور انفرااسٹرکچر اچھا ہے، لیکن انہیں کراچی اور یہاں کے لوگوں کی بہت یاد آتی ہے۔
