رہنما نیوز کے مطابق کراچی میں گزشتہ دنوں ہونے والی بارشوں اور سیلابی ریلے سے نئی حب کینال کو شدید نقصان پہنچا۔
ایک ماہ قبل 12 ارب روپے کی لاگت سے بننے والی حب کینال بہنے کی وجہ سامنے آگئی۔
سیلابی ریلے نے 20 کلو میٹر طویل حب کینال کو متاثر کیا اور کینال کی تعمیر میں مضبوط سریا استعمال کیا جاتا تو سیلابی ریلے میں نہ بہتی۔
رہنما نیوز کے مطابق حب کینال کے متاثر ہونے کی مزید تحقیقات جاری ہیں۔
واضح رہے کہ چند ماہ قبل پروجیکٹ ڈائریکٹر سکندر زرداری کا کہنا تھا کہ کراچی کوپانی فراہم کرنے والی نیو حب کینال کا تعمیراتی کام مکمل کرلیا گیا ہے اور اس کا ٹیسٹ رن کامیابی سے مکمل کیا گیا۔
ان کا کہنا تھا کہ نئی کینال کے لیے پرانی لائن سے پانی چھوڑنا تکنیکی عمل تھا، حب کینال کا ٹیسٹ 25 دن قبل کیا گیا تھا، پرانی کینال سے پانی لینے کے لیے کٹ لگایا گیا تھا۔
پروجیکٹ ڈائریکٹر کا کہنا تھا کہ سوشل میڈیا پر منصوبے کی ناکامی کی خبریں بے بنیاد ہیں
