بالی ووڈ کی معروف ماڈل و اداکارہ گوہر خان اور ان کے شوہر زید دربار نے ایک بڑی خوشخبری کا اعلان کیا ہے۔
جوڑے نے انسٹاگرام پر ایک مشترکہ پوسٹ کے ذریعے اس خوشخبری کا اعلان کیا ہے جس میں انہوں نے بتایا کہ ان کے ہاں یکم ستمبر کو دوسرے بچے کی پیدائش ہوئی ہے۔
گوہر خان اور زید دربار پہلے سے ایک بیٹے زیہان کے والدین ہیں، تاہم اب ان کے یہاں دوسرے بیٹے کی پیدائش ہوئی ہے، گوہر خان اور بھارتی انفلوئنسر زید دربار نے اپنی اس پوسٹ کے کیپشن میں لکھا ہے کہ الحمدلل، آپ کی دعاؤں اور محبتوں کی ضرورت ہے، اس اعلان کے بعد نامور شخصیات کی جانب سے مبارکباد دینے کا سلسلہ جاری ہے۔
خیال رہے کہ سابق ‘بگ باس’ فاتح اور زید نے اپنی ہاں دوسرے بچے کی آمد کی خبر انسٹاگرام پر ایک دلچسپ ویڈیو کے ذریعے شیئر کی تھی، انہوں نے پوسٹ کے کیپشن میں لکھا تھا “بسم اللہ !! آپ کی دعاؤں اور محبت کی ضرورت ہے۔
یاد رہے کہ اداکارہ گوہر خان اور زید دربار نے 2020ء میں شادی کی تھی جبکہ ان کے یہاں 2023ء کی مئی میں پہلے بیٹے کی پیدائش ہوئی تھی۔
اس جوڑے نے گزشتہ سال رمضان المبارک میں عمرے کی ادائیگی کے دوران اپنے بیٹے کا چہرہ سوشل میڈیا صارفین کے ساتھ شیئر کیا تھا
