اسکول کی آٹھویں منزل سے نوجوان کی مبینہ طور پر چھلانگ لگا کر خودکشی

اسکول کی آٹھویں منزل سے چھلانگ لگا کر خودکشی کرنے والے نوجوان کا آخری پیغام سامنے آگیا، جس میں نوجوان نے خودکشی کرنے کی وجہ بتائی ہے۔
تفصیلات کے مطابق کراچی میں واقع ایک نجی اسکول کی آٹھویں منزل سے مبینہ طور پر چھلانگ لگا کر ایک نوجوان نے خودکشی کر لی، واقعے کے بعد بریگیڈ تھانے میں خودکشی کا مقدمہ اسکول انتظامیہ کیخلاف درج کرلیا گیا۔
عثمان کے بھائی کی مدعیت میں اسکول کے تینوں ملازمین پر اقدام قتل کا مقدمہ بھی درج کیا گیا۔
عثمان نے خودکشی سے قبل سوشل میڈیا پر ایک پیغام جاری کیا تھا، جس میں اس نے اسکول انتظامیہ کے رویے پر الزامات عائد کیے۔
اپنے آخری پیغام میں عثمان نے عرفان، حسن اور طلحہ نامی تین افراد پر ذہنی اذیت دینے کا الزام لگایا اور کہا کہ وہ ان کی وجہ سے خودکشی کر رہا ہے۔
پولیس نے عثمان کے بھائی کی مدعیت میں اسکول کے تینوں ملازمین کے خلاف مقدمہ درج کیا ہے۔
خودکشی کی اطلاع ملنے کے بعد پولیس نے موقع پر پہنچ کر تحقیقات کا آغاز کردیا ہے تاکہ اصل حقائق سامنے آ سکیں تاہم عثمان کی لاش کو قانونی کارروائی کے لیے جناح ہسپتال منتقل کردیا ہے