غزہ: اسرائیل نے مزید فلسطینیوں کی لاشیں فلسطینی حکام کے حوالے کردیں

غزہ: اسرائیل نے مزید 15 فلسطینیوں کی لاشیں فلسطینی حکام کے حوالے کردیں، اسرائیل کی جانب سے جنگ بندی معاہدے کی خلاف ورزی جاری ہے۔
غزہ وزارت صحت نے بتایا کہ اکتوبر 10 کے بعد مجموعی طور پر 330 لاشیں وصول ہوچکی ہیں جبکہ جنگ بندی معاہدے کے باوجود غزہ میں 3 الگ مقامات پر اسرائیل کی جانب سے حملے کیے گئے ہیں۔
فلسطینوں پر حملوں کے حوالے سے سعودی عرب نے کہا کہ فورسز اور یہودی آبادکاروں کے فلسطینیوں پر بار بار حملے ناقابل قبول ہیں۔
خبرایجنسی نے بتایا کہ مقبوضہ مغربی کنارے میں اسرائیلی فوج نے 15 فلسطینیوں کو گرفتار کرلیا، غزہ میں 10 اکتوبر سے 10 نومبر تک اسرائیل 282 مرتبہ سیزفائر کی خلاف ورزی کرچکا ہے۔
اسرائیلی فوج کی جانب سے88 مرتبہ شہریوں پر گولہ باری کی گئی، اسرائیلی فوج نے 12 بار یلولائن سے آگے رہائشی علاقوں پر چھاپےمارے۔
عرب ٹی وی نے بتایا کہ غزہ میں 124 مرتبہ بمباری کی گئی گھروں اور بنیادی ڈھانچے کو تباہ کیاگیا، اسرائیلی فوج کی جانب سے 52 مقامات پر املاک مسمار کی گئیں۔