امریکی صدر ٹرمپ کا بی بی سی کیخلاف 5 ارب ڈالرز کا مقدمہ کرنیکا اعلان

امریکی صدر ڈونلڈ ٹرمپ نے بی بی سی کےخلاف 5 ارب ڈالرز تک کا مقدمہ کرنے کا اعلان کیا ہے، آئندہ ہفتے مقدمہ دائر کیا جائے گا۔
غیرملکی میڈیا رپورٹس کے مطابق ڈونلڈ ٹرمپ نے برطانوی نشریاتی ادارے بی بی سی کیخلاف آئندہ ہفتے مقدمے کا اعلان کردیا ہے، امریکی صدر نے اپنے بیان میں کہا کہ بی بی سی کیخلاف آئندہ ہفتے قانونی کارروائی کریں گے۔
امریکی صدر ٹرمپ نے کہا کہ بی بی سی نے دھوکا دیا ہے اور ہمیں اربوں ڈالرز کا نقصان پہنچایا ہے، مقدمے کی حد 1 ارب سے 5 ارب ڈالرز تک ہوسکتی ہے
بی بی سی نے جنوری 6 کی ٹرمپ کی تقریر کی ویڈیو میں غلط ایڈیٹنگ کا اعتراف کیا تھا، بی بی سی کی جانب سے تقریر کی غلط ایڈیٹنگ پر امریکی صدر سے چند دنوں قبل معافی بھی مانگی گئی تھی۔
بی بی سی کے ڈائریکٹر جنرل ٹم ڈیوی اور نیوز ہیڈ ڈیبوراٹرنس نے الزامات کے بعد اپنے عہدوں سے استعفیٰ دیا تھا۔
ٹرمپ کا کہنا ہے کہ بی بی سی صرف فیک نیوز نہیں بلکہ کرپٹ بھی ہے، تقریر سے الگ تاثر دیا گیا، ناقابل یقین ہے کہ میری تقریر کو ایسا دکھایا گیا جیسے تشدد کی حمایت کررہا ہوں