وزیراعظم شہباز شریف سے منیجنگ ڈائریکٹر بیت المال کیپٹن ریٹائرڈ شاہین بٹ نے ملاقات کی، جس میں ادارے کی کارکردگی پر تفصیلی بریفنگ دی گئی۔ وزیراعظم نے کہا کہ مستحق اور نادار افراد کو بروقت سہولیات کی فراہمی حکومت کی اولین ترجیحات میں شامل ہے۔ انہوں نے بیت المال میں موصول درخواستوں پر جلد عملدرآمد یقینی بنانے اور درخواست جمع کرانے کے طریقہ کار کو مزید آسان اور مؤثر بنانے کی ہدایت بھی جاری کی۔ وزیراعظم کا کہنا تھا کہ عوامی فلاح کے منصوبوں میں شفافیت اور سہولت کو ترجیح دی جائے گی۔
مستحق افراد کیلئے سہولیات ، بیت المال درخواستوں کے طریقہ کار میں بہتری کا حکم
