فرانسیسی وزیراعظم سیبسٹین لیکورنو نے استعفیٰ دے دیا، جسے فرانسیسی صدر نے منظور کر لیا۔
غیر ملکی ذرائع ابلاغ کے مطابق فرانسیسی صدارتی محل کا اس حوالے سے کہنا ہے کہ فرانسیسی صدر میکرون نے وزیراعظم سیبسٹین لیکورنو کا استعفیٰ منظور کر لیا ہے۔
رپورٹس کے مطابق سیبسٹین لیکورنو کو گزشتہ روز بڑے پیمانے پر غیر تبدیل شدہ کابینہ کے معاملے پر شدید تنقید کا سامنا تھا۔
فرانس کے صدر میکرون نے گزشتہ ماہ لیکورنو کو وزیراعظم نامزد کیا تھا۔ لیکورنو دو سال سے بھی کم عرصے میں فرانس کے پانچویں وزیر اعظم ہیں۔
واضح رہے کہ گزشتہ ماہ نیپال میں پر تشدد مظاہروں کے نتیجے میں وزیراعظم کے بعد صدر بھی عہدے سے مستعفی ہوگئے تھے۔
نیپال میں سوشل میڈیا پر پابندی عائد کیے جانے کے خلاف ملک بھر میں شروع ہونے والے پرتشدد احتجاج مظاہروں اور حکومتی ایوانوں، رہائشگاہوں میں داخل ہو کر توڑ پھوڑ کرنے کے نتیجے میں نیپالی وزیراعظم کے پی شرما اولی نے استعفیٰ دیا تھا۔ اس کے بعد صدر رام چندرا نے بھی استعفیٰ دے دیا تھا۔
مظاہرین نیپال کے سابق وزیراعظم شیر بہادر کے گھر میں بھی گھس گئے۔ انہوں نے سابق وزیراعظم اور ان کے اہلخانہ کو تشدد کا نشانہ بنایا اور گھر میں توڑ پھوڑ بھی کی
