ٹیسلا نے ایک اور حیرت انگیز مہارت والا روبوٹ بنا لیا ہے، ایلون مسک نے ایکس پر جدید ہیومنائیڈ روبوٹ کی ویڈیو پوسٹ کر دی۔
ایلون مسک نے ایک نئی ویڈیو جاری کی ہے جس میں ٹیسلا کے آپٹیمس ہیومنائیڈ روبوٹ کی صلاحیت کا شان دار مظاہرہ دکھایا گیا ہے۔
ویڈیو میں انسانی شکل کا روبوٹ کنگ فو سیکھنے اور اپنے دفاع کی تکنیکوں کا مظاہرہ کرتا دکھائی دیتا ہے، روبوٹ حیرت انگیز طور پر چینی مارشل آرٹ فارم کو بہت احتیاط سے سیکھ رہا ہے۔
اوپن اے آئی، اسپیس ایکس کو پیچھے چھوڑ کر سب سے قیمتی اسٹارٹ اپ بن گیا
ویڈیو میں آپٹیمس کو ایک ماہر کنگ فو انسٹرکٹر کے ساتھ ٹریننگ کرتے دیکھا جا سکتا ہے، روبوٹ نہ صرف انسٹرکچر کی حرکات کی کامیاب نقل کر رہا ہے بلکہ ہر حرکت پر درست ردِعمل بھی ظاہر کر رہا ہے اور مؤثر طریقے سے حملوں کا دفاع کر رہا ہے۔
ٹیسلا کا یہ نیا روبوٹ اعلیٰ درجے کی سیکھنے کی صلاحیت اور مطابقت اختیار کرنے کی اہلیت کا حامل ہے، اور یہ ٹیسلا کی جدید ٹیکنالوجیز کی فہرست میں ایک اور امید افزا اضافہ ہے۔
ٹیسلا کا یہ آپٹیمس روبوٹ متوقع طور پر اگلے برس 2026 میں مارکیٹ میں پیش کیا جائے گا، اس کی قیمت تقریباً 18,999 امریکی ڈالر رکھی جائے گی۔ بتایا جا رہا ہے کہ اس جدید روبوٹ کی لانچنگ مصنوعی ذہانت اور روبوٹکس کے میدان میں ایک اہم پیش رفت ثابت ہوگی۔
