الیکشن کمیشن نے قومی اسمبلی میں پارٹی پوزیشن جاری کردی، سنی اتحاد کونسل، پی ٹی آئی ارکان آزاد قرار

اسلام آباد: الیکشن کمیشن نے قومی اسمبلی میں پارٹی پوزیشن جاری کردی، سنی اتحاد کونسل، تحریک انصاف کے ارکان کو آزاد قرار دیا گیا۔
تفصیلات کے مطابق الیکشن کمیشن آف پاکستان کی جانب سے جاری کردہ پارٹی پوزیشن میں پی ٹی آئی اور سنی اتحاد کونسل اراکین کو آزاد ڈکلیئر کیا گیا ہے، قومی اسمبلی میں پاکستان مسلم لیگ ن 125 ارکان کےساتھ سرفہرست ہے۔
پیپلزپارٹی 74 ارکان کےساتھ قومی اسمبلی میں دوسرے نمبر پر ہے، ایم کیوایم 22، ق لیگ 5 جبکہ آئی پی پی کے ارکان کی تعداد 4 ہے۔
یہ بھی پڑھیں: اب کوئی پارٹی پوزیشن نہیں لوں گا، کارکن کی طرح کام کروں گا، علی امین گنڈاپور
الیکشن کمیشن کے مطابق قومی اسمبلی میں آزادارکان کی تعداد 79 ہے، جمعیت علمائے اسلام پاکستان کے قومی اسمبلی ارکان کی تعداد 10 ہے جبکہ مسلم لیگ ضیا، نیشنل پارٹی، بی اے پی کا قومی اسمبلی میں ایک ایک رکن موجود ہے۔
سنی اتحاد کونسل اور ایم ڈبلیو ایم کا قومی اسمبلی میں ایک ایک رکن ہے، بی این پی اور پی کے میپ کا قومی اسمبلی میں ایک، ایک رکن ہے