دیشا پٹانی کے گھر پر فائرنگ میں ملوث دونوں شوٹرز انکاؤنٹر میں ہلاک

معروف بھارتی اداکارہ دیشا پٹانی کے گھر پر فائرنگ کے معاملے میں پولیس کو بڑی کامیابی مل گئی، مرکزی ملزم رویندرا اور ارون منگل کو غازی آباد کے ٹرانیکا سٹی تھانہ کے علاقے میں ایک انکاؤنٹر میں ہلاک کردیا گیا۔
بھارتی میڈیا رپورٹس کے مطابق یہ مشترکہ آپریشن یوپی اسپیشل ٹاسک فورس (ایس ٹی ایف)، دہلی پولیس اسپیشل سیل، اور ہریانہ اسپیشل ٹاسک فورس (ایس ٹی ایف) نے کیا۔
رپورٹس کے مطابق انکاؤنٹر میں مارے گئے ملزمان کی شناخت رویندر عرف کلو ساکن کہنی، روہتک اور ارون ساکنہ گوہانا روڈ سونی پت کے ناموں سے ہوئی ہے۔
انکاؤنٹر میں مارے گئے دونوں شوٹر بدنام زمانہ گینگسٹر گولڈی برار اور روہت گودارا گینگ کے سرگرم رکن تھے۔
واضح رہے کہ 12 ستمبر کو دو موٹر سائیکلوں پر سوار شوٹرز نے بریلی میں دیشا پٹانی کے گھر پر فائرنگ کی تھی، حملے کے بعد، گینگ نے سوشل میڈیا پر ذمہ داری بھی قبول کی تھی۔
واقعہ رپورٹ ہونے کے بعد وزیر اعلیٰ یوگی آدتیہ ناتھ نے دیشا پٹانی کے والد سابق ڈی ایس پی جگدیش پٹانی سے فون پر بات کی تھی اور اہل خانہ کو تحفظ کا یقین دلایا تھا۔
دیشا پٹانی کے والد کے ساتھ لاکھوں روپے کا فراڈ ہوگیا
رپورٹس کے مطابق پولیس نے ملزم کی شناخت کے لیے 2500 سے زائد سی سی ٹی وی فوٹیج کا جائزہ لیا تھا۔
حکام کے مطابق انکاؤنٹر کی تحقیقات میں تیزی آئے گی اور گینگ کے دیگر ارکان کو جلد گرفتار کیا جائے گا۔