تل ابیب : دہشت گرد اور انتہا پسند اسرائیلی وزیر اعظم نیتن یاہو نے قطر کو دھمکی دیتے ہوئے کہا حماس رہنماؤں کو پناہ دینے پر مزید حملے ہوں گے۔
تفصیلات کے مطابق دہشت گرد اور انتہا پسند اسرائیلی وزیر اعظم نیتن یاہو نے قطر کو کھلی دھمکی دیتے ہوئے کہا ہے کہ اگر دوحہ نے حماس رہنماؤں کو ملک سے نہ نکالا تو اسرائیل کارروائی کرے گا۔
نیتن یاہو نے دعویٰ کیا کہ حماس رہنماؤں کو پناہ دینے کی صورت میں قطر کو مزید حملوں کا سامنا کرنا پڑے گا۔
اسرائیلی وزیر اعظم کا کہنا تھا کہ “قطر اور دیگر ممالک حماس رہنماؤں کو نکالیں یا ان کے خلاف کارروائی کریں، ورنہ ہم خود اقدامات کریں گے۔”
دوسری جانب امریکہ میں تعینات اسرائیلی سفیر نے بھی قطر پر دوبارہ حملے کی دھمکی دی اور کہا کہ “دوحہ پر بمباری کے بعد دنیا کا ردعمل وقتی تھا، سب بھول جائیں گے، اگر اس بار ہم حماس حکام کو نشانہ نہ بنا سکے تو آئندہ ضرور بنائیں گے۔”
اسرائیلی سفیر نے مزید کہا کہ اسرائیل مستقبل میں بھی ایسے حملوں سے پیچھے نہیں ہٹے گا اور قطر کو دوبارہ نشانہ بنایا جا سکتا ہے۔
