گزشتہ ماہ کراچی میں 172 گاڑیاں چوری اور 517 موٹر سائیکل چھینی گئیں
حکومت سندھ سیٹیزن پولیس لائزن کمیٹی (سی پی ایل سی) نے کراچی میں ماہ ستمبر میں ہونے والی جرائم کی وارداتوں کے اعدادوشمار جاری کردئیے ہیں۔ رپورٹ کے مطابق گزشتہ ماہ کراچی کے مختلف علاقوں سے اسلحہ بردار ملزمان نے شہریوں سے 27 گاڑیاں چھینی جبکہ 172گاڑیاں چوری کی گئی۔ اعدادوشمار کے مطابق شہریوں سے 517 موٹر سائیکل چھینی گئی اور 3181 موٹر سائیکل چوری ہوئی، ماہ ستمبر کے دوران 1542 شہریوں سے موبائل فون چھیننے گئے اور اسی ماہ بھتے کی 3 وارداتیں بھی رپورٹ ہوئی۔ سی پی ایل سی کے مطابق شہر میں فائرنگ کے مختلف واقعات میں 51 شہری قتل کئے گئے۔
