کراچی دنیا کے آلودہ ترین شہروں میں ساتویں نمبر پر آگیا، لاہور کا دوسرا نمبر

موسم کی تبدیلی اور ہواؤں کا رخ تبدیل ہونے کے ساتھ پاکستان کے 2 بڑے شہروں کی فضا بھی آلودہ ہونے لگی۔ کراچی دنیا کے آلودہ ترین شہروں میں ساتویں نمبر پر موجود ہے۔ لاہور دنیا کا دوسرا آلودہ ترین شہر ہے۔ ایئرکوالٹی انڈیکس کے مطابق کراچی کی فضا میں آلودہ زرات کی مقدار 159 پرٹیکولیٹ میٹرز ریکارڈ کی گئی جبکہ لاہور کی فضا میں آلودہ زرات کی مقدار 181 پرٹیکولیٹ میٹرز ہے۔ ائیرکوالٹی انڈیکس کے مطابق 151 سے 200 انڈیکس مضرصحت، 201 سے 300 درجے تک آلودگی انتہائی مضر صحت جب کہ 301 سے زائد درجہ خطرناک آلودگی کوظاہر کرتا ہے۔