کولمبیا میں ایک چھوٹا طیارہ گر کر تباہ ہوگیا جس کے نتیجے میں طیارے میں سوار تمام 15 افراد ہلاک ہوگئے
غیر ملکی میڈیا کے مطابق طیارہ وینزویلا کی مشرقی سرحد کے قریب ایک پہاڑی علاقے میں لاپتہ ہوا تھا، ایئر ٹریفک کنٹرولر کا کہنا ہے کہ کوکوٹا سے اوکانا جانے والی پرواز سے لینڈنگ سے کچھ دیر قبل رابطہ منقطع ہوگیا تھا جبکہ بعد ازاں طیارے کے تباہ ہونے کی تصدیق ہوئی، حادثے کے وقت طیارے میں کولمبیا کانگریس کے ایک نمائندے سمیت 13 مسافر اور 2 کریو ممبرز سوار تھے، حکام نے خراب موسمی حالات کو حادثے کی ممکنہ وجہ قرار دیتے ہوئے واقعے کی مزید تحقیقات شروع کردی ہیں۔
