آئی سی سی ویمنز ورلڈکپ کے اہم میچ میں بھارتی ٹیم کو مفت کے 5 رنز مل گئے، آسٹریلوی بولر اور وکٹ کیپر بھی حیران نظر آئیں۔
آسٹریلیا اور بھارت کی ویمنز ٹیم کے درمیان میچ میں اس وقت دلچسپ صورتحال پیدا ہوگئی جب بھارتی اننگز کے 29ویں اوور میں فاسٹ بولر سدرلینڈ کی بال وکٹ کیپر الیسا کے ہاتھوں سے چھوٹ کر پیچھے رکھے ہیلمٹ پر جالگی۔
آئی سی سی قوانین کے مطابق بال ہیلمنٹ پر لگنے کے باعث بھارتی ویمنز ٹیم کو ایکسٹرا 5 رنز دیے گئے اور ان کا اسکور 178 سے بڑھ کر اچانک 183 پر جاپہنچا۔
الیسا جو کہ آسٹریلیا کی کپتان بھی ہیں وہ اور بولر سدرلینڈ گیند کے یوں چھوٹنے پر حیران نظر آئیں پھر دنوں ہی مسکراتی ہوئی بھی نظر آئیں۔
آئی سی سی نے میچ میں وقوع پذیر ہونے والے اسی واقعے کی کلپ اپنے آفیشل پیج پر بھی شیئر کی ہے اور کیپشن میں لکھا ہے کہ “ہیلی کے ہیلمنٹ نے 5 رنز اسکور کرلیے”۔
خیال رہے کہ کپتان الیسا ہیلی کی میچ وننگ سنچری کی بدولت آسٹریلیا نے ویمنز ون ڈے کا سب سے بڑا 331 رنز کا ہدف حاصل کیا، کینگروز نے بھارتی خواتین سورماؤں کو ویمنز ورلڈکپ کے اہم میچ میں 3 وکٹوں سے تاریخی شکست دی
