بھارت میں ’وسیم اکرم‘ نامی جاسوس پکڑا گیا جس پر گودی میڈیا نے کرکٹر کی تصویر لگادی۔
لیجنڈری فاسٹ بولر وسیم اکرم نے گودی میڈیا پر کڑی تنقید کرتے ہوئے کہا کہ بھارت میں کوئی میرے نام کا جاسوس پکڑا گیا ٹی وی پر میری تصویر چلا دی، کسی نے دوبارہ تصدیق کرنے کی زحمت بھی نہیں کی۔
انہوں نے کہا کہ کون ہیں یہ لوگ؟ کہاں سے آئے ہیں یہ لوگ، بلاوجہ جان عذاب میں نہ ڈالیں، پہلے چیک کرلیں۔
وسیم اکرم نے پوسٹ میں اپنے آفیشل انسٹاگرام، فیس بک اور ایکس اکاؤنٹ بھی شیئر کیے۔
واضح رہے کہ اس سے قبل بھارتی سورما پاکستانی جھنڈوں کے غباروں سے خوفزدہ ہوگئے تھے، مقبوضہ کشمیر میں سبز ہلالی پرچم والے غبارے کو تحویل میں لے لیا تھا۔
پاکستان دشمنی میں مودی سرکار نے پرندوں کو بھی نہیں بخشا تھا اور معصوم کبوتر کو پاکستانی جاسوس قرار دے کر اس کے پر کاٹ ڈالے تھے، بھارتی حکام نے انتہائی بھونڈا موقف اپنایا تھا کہ جاسوسی کے بعد پاکستان واپس جانے سے روکنے کے لئے کبوتر کے “پر “کترے۔
گذشتہ سال بھارتی پولیس نے ایک بار پھر مضحکہ خیز کارنامہ انجام دیتے ہوئے کھیتوں سے ملنے والے کھلونا غباروں کو پاکستانی جاسوس قرار دیا تھا
