بھارتی میڈیا کا کہنا ہے کہ معروف اداکارہ کرشمہ شرما لوکل ٹرین میں سفر کر رہی تھیں تاہم اس دوران پیش آنے والے ایک حادثے کے باعث وہ شدید زخمی ہوگئیں۔
رپورٹس کے مطابق اپنے انسٹاگرام اکاؤنٹ سے اداکارہ نے اپنی تصویر شیئر کرکے خود ا طلاع دی۔
اداکارہ کا اپنی سوشل میڈیا پوسٹ میں کہنا تھا کہ وہ دوستوں کے ہمراہ لوکل ٹرین میں سفر کر رہی تھیں تاہم کسی وجہ سے ان کے دوست ٹرین پر سوار نہ ہوسکے اور ٹرین چل پڑی جس پر اداکارہ چلتی ٹرین سے کود گئیں، گرنے کے سبب انہیں شدید چوٹیں آئیں۔
اداکارہ نے اپنے چاہنے والوں کو بتایا کہ ٹرین سے چھلانگ لگانے کے باعث ان کی کمر پر شدید چوٹیں آئی ہیں ان کا سر کہیں ٹکرانے کے باعث سوج گیا ہے جبکہ جسم پر بھی جگہ جگہ نیل کے نشان موجود ہیں۔
مداحوں سے کرشمہ شرما نے درخواست کی کہ وہ ان کی جلد صحتیابی کیلئے انہیں اپنی دعاؤں میں یاد رکھیں
