برطانیہ: بادشاہ چارلس کے شاہی نشان والے نئے پاسپورٹس  

برطانیہ نے بادشاہ چارلس کے شاہی نشان والے نئے پاسپورٹس دسمبر سے جاری  کرنے کا اعلان کر دیا۔
برطانوی حکومت نے نئے ڈیزائن والا پاسپورٹ متعارف کرا دیا، ۔نیا پاسپورٹ روان برس دسمبر سے عوام کو فراہم کیا جائے گا۔ نئے پاسپورٹ پر بادشاہ چارلس سوم کا شاہی نشان نمایاں طور پر موجود ہے۔
نئے ڈیزائن میں برطانیہ کے قدرتی مناظر شامل کیے گئے ہیں جن میں اسکاٹ لینڈ کا بین نیوس، انگلینڈ کا لیک ڈسٹرکٹ، ویلز کا تھری کلِفز بے اور شمالی آئرلینڈ کا جائنٹس کاز وے شامل ہیں۔
نئے پاسپورٹ میں ہولوگرافک سکیورٹی فیچرز، لیزر مارکنگ اور شفاف صفحات شامل کیے گئے ہیں تاکہ جعل سازی کو روکا جا سکے۔
ملکہ الزبتھ دوم کے دور کے پاسپورٹ اپنی مدتِ معیاد تک قابلِ استعمال رہیں گے، حکومت نے شہریوں کو ہدایت کی ہے کہ سفر کی منصوبہ بندی سے قبل اپنے پاسپورٹ کی مدت ضرور چیک کریں۔