بحیرہ عرب : ڈپریشن کے اثرات سے فی الوقت پاکستان کو کوئی خطرہ لاحق نہیں

کراچی (29 اکتوبر 2025): محکمہ موسمیات کا کہنا ہے کہ بحیرہ عرب میں بننے والے ڈپریشن کے اثرات سے فی الوقت پاکستان کو کوئی خطرہ لاحق نہیں ہے۔
موسمیات سے جاری ایک بیان میں کہا گیا ہے کہ ڈپریشن کے پاکستان کی ساحلی پٹی پر تاحال کوئی خطرہ نہیں ہے، اور کراچی میں آج بھی میں تیز گرد آلود ہوائیں چلیں گی، اور شہر میں موسم گرم اور خشک رہنے کے ساتھ رات اور صبح سویرے خنکی رہے گی۔
محکمہ موسمیات کے مطابق شہر میں شمال مشرقی سمت سے خشک ہوائیں چل رہی ہیں، ہواؤں کی رفتار 25 تا 35 کلو میٹر فی گھنٹہ رہنے کا امکان ہے، ہوا میں نمی کا تناسب 55 فی صد ہے، زیادہ سے زیادہ درجہ حرارت 35 تا 37 ڈگری سینٹی گریڈ رہنے کا امکان ہے۔