پاکستان کے فیلڈ مارشل بہترین فائٹر ہیں:صدر ڈونلڈ ٹرمپ

امریکی صدر ڈونلڈ ٹرمپ نے ایک بار پھر پاک بھارت جنگ رکوانے کا ذکر کرتے ہوئے کہا ہے کہ پاکستان اور بھارت کے درمیان جنگ روکی اور پاکستان کے فیلڈ مارشل بہترین فائٹر ہیں۔
غیر ملکی ذرائع ابلاغ کے مطابق امریکی صدر ڈونلڈ ٹرمپ نے سیول میں ای پیک اجلاس سے خطاب کے دوران کہا کہ پاکستان کے وزیراعظم اور فیلڈ مارشل عظیم انسان ہیں۔
انہوں نے کہا کہ امریکا کیلئے جوکر رہا ہوں اس پر فخر ہے، ہم نے بہت سی جنگیں روکیں، جنگیں روکنا پوری دنیا کے لئے فائدہ مند ہے۔
انہوں نے کہا کہ دونوں ممالک کو کہا جنگ روک دیں ورنہ تجارت نہیں کرینگے، بھارتی وزیراعظم سخت مزاج ہیں انہوں نے کہا ہمیں لڑنے دیں۔
امریکی صدر کا کہنا تھا کہ دونوں ممالک نے کہا ہمیں جنگ لڑنے دیں، دودن بعد دونوں نے کہا ہم آپ کی بات سمجھتے ہیں، جنگ روکنے کیلئے تیار ہیں۔
انہوں نے کہا کہ 8 ماہ کے دوران 8 جنگیں روکیں، ٹیرف اور تجارت کے ذریعے جنگیں روکیں، کمبوڈیا اور تھائی لینڈ کے درمیان تنازع دو دن میں حل کیا۔ دو دن پہلے ملایشیا میں کمبوڈیا اور تھائی لینڈ کے درمیان امن معاہدے پر دستخط کئے۔