امریکی سیکریٹری آف وار پیٹ ہیگستھ کے طیارے کی ہنگامی لینڈنگ

برطانیہ میں امریکی سیکریٹری آف وار پیٹ ہیگستھ کے طیارے کی ونڈشیلڈ میں دوران پرواز شگاف پڑگیا، جس کے باعث طیارے کی ہنگامی لینڈنگ کی گئی۔
غیر ملکی ذرائع ابلاغ کے مطابق پینٹاگون کا کہنا ہے کہ امریکی سیکریٹری آف وار پیٹ ہیگستھ کے طیارے کی ونڈ اسکرین میں دراڑیں پڑ گئی تھیں۔
رپورٹس کے مطابق خوش قسمتی سے طیارے میں سوار تمام لوگ محفوط رہے۔
امریکی وزیر نیٹو سیکیورٹی اجلاس میں شرکت کے بعد واپس آرہے تھے، بعد ازاں طیارے کی برطانیہ میں ہنگامی لینڈنگ کی گئی، طیارے میں موجود تمام افراد محفوظ رہے۔
اس سے قبل لندن کے ہیتھرو ایئرپورٹ پر ایک طیارے کی ایمرجنسی لینڈنگ کی کوشش ناکام ہوگئی تھی، تیز ہواؤں کے باعث لینڈنگ ممکن نہ ہوسکی۔
رپورٹس کے مطابق لندن کے ہیتھرو ایئرپورٹ پر طیارہ رن وے پر مستحکم انداز میں اترنے میں ناکام رہا۔ طیارے کی ٹیل رن وے سے ٹکرا ئی اور پھراچانک دوبارہ فضا میں بلند ہوگیا۔
رپورٹس کے مطابق ایئر ٹریفک کنٹرول نے فوری طور پر پائلٹ کو دوسری ہنگامی لینڈنگ کی کلیئرنس دی۔ جس کے بعد طیارے نے چند منٹ تک فضا میں چکر لگانے کے بعد محفوظ لینڈنگ کی۔