امریکی صدر ڈونلڈ ٹرمپ نے میکسیکن ڈرگ کارٹلز پر ممکنہ حملوں کا عندیہ دے دیا

ٹرمپ نے واضح کہا ہے کہ میکسیکو سے بات چیت جاری ہے اور حملے کرنا میرے لیے بالکل قابل قبول ہے، منشیات کی وجہ سے امریکا میں لاکھوں لوگ مر رہے ہیں ہر راستہ بند کرنا ہو گا۔
ٹرمپ کا کہنا ہے کہ پانی کے راستے روک دیئے اب دیگر تمام راستوں کا بھی علم ہے۔
خبر ایجنسی کے مطابق ٹرمپ نے میکسیکن ڈرگ کارٹلز پر حملوں کا وقت یا طریقہ نہیں بتایا۔ میکسیکو کی صدر کلاڈیاشین بام پہلے ہی واضح کر چکی ہیں کہ وہ امریکی حملوں کی مخالف ہیں۔ دو ہفتے قبل امریکی میڈیا نے رپورٹ کیا تھا کہ امریکا میکسیکو میں گراؤنڈ آپریشن کی تیاری کر رہا ہے۔
ٹرمپ کا کہنا تھا کہ امریکا کے پاس کارٹلز کے تمام ٹارگٹس کی فہرست موجود ہے ہمیں ہر ڈرگ لارڈ کا گھر، پتہ اور دروازہ تک معلوم ہے۔ٹرمپ نے صورتحال کو جنگ قرار دیتے ہوئے کہا کارٹلز امریکیوں کو مار رہے ہیں۔