پاک افغان بارڈر پر افغانستان کی طرف سے بلا اشتعال فائرنگ کی گئی جس کا پاک فوج نے بھرپور جواب دیا، پاکستانی فورسزکی بھر پور جوابی کارروائی سے متعدد افغان فوجی ہلاک ہوگئے، اور پاک افواج نے 19 افغانی پوسٹوں پر قبضہ کرلیا۔
سیکیورٹی ذرائع کے مطابق پاک فوج نے ملکی سرحد پر افغان فورسز کی اشتعال انگیزی کے جواب میں بھرپور کارروائی کرکے اس کے ہوش ٹھکانے لگادیے, افغان فورسز نے پاک افغان بارڈر پر انگور اڈا، باجوڑ،کرم، دیر، چترال، اور بارام چاہ کے مقامات پر بھی بِلا اشتعال فائرنگ کی۔
سکیورٹی ذرائع کا کہنا ہے کہ پاک فوج کی چوکس پوسٹوں کی جانب سے بھرپور اور شدید جواب دیا جارہا ہے۔ پاک فوج نے فوری شدید رد عمل دیتے ہوئے متعدد افغانی پوسٹوں کو مؤثر طریقے سے نشانہ بنایا۔
سیکیورٹی ذرائع کے مطابق پاکستانی فورسز نے جوابی کارروائی میں پاک افغان سرحد کے مختلف علاقوں میں افغان سیکیورٹی پوسٹوں کو نشانہ بنایا، جہاں افغان فورسز کے سرنڈر کرنے کی ویڈیو بھی سامنے آگئی۔
پاکستان نے اب تک افغانستان کی بارڈر پر موجود 19 افغان پوسٹوں پر قبضہ کرلیا، اُن افغان پوسٹوں پر قبضہ کیا گیا ہے جہاں سے پاکستان پر حملے کیے جارہے تھے، سیکیورٹی ذرائع کے مطابق ان پوسٹوں پرموجود افغان طالبان مارے جا چکے یا پھر باقی جان بچا کر بھاگ چکے ہیں، قبضہ ہونے والی افغان پوسٹوں میں آگ اور ان کی تباہی دیکھی جاسکتی ہے، پاک فوج کی افغان فورسز کےخلاف یہ ایک اہم اور بڑی کامیابی ہے۔
پاک فوج نے افغانی پوسٹوں پر پاکستان کا جھنڈا لہرا دیا
پاک فوج نے افغانی پوسٹوں پر پاکستان کا جھنڈا لہرا دیا، پاک فوج کا انگور اڈہ، جنوبی وزیرستان میں افغان پوسٹوں پر قبضہ کرلیا، پاک فوج کے جوانوں کو آتا دیکھ کر افغانی فوجی بھاگ گئے، پاک فوج کی فائرنگ سے افغان سیکٹر کی بیشتر پوسٹیں تباہ ہوگئیں، پاکستانی فورسز رات گئے سے افغان پوسٹوں کو کامیابی سے نشانہ بنا رہی ہیں۔
افغان فورسز کی پاک فوج سے جوابی کارروائی روکنے کی درخواست
پاکستان فوج کی جانب افغان فورسز کو منہ توڑ جواب ملنے کے بعد افغانی اہلکار گھبراہٹ میں مورچے چھوڑ کر بھاگ کھڑے ہوئے، پاکستان سے جوابی کارروائی روکنے کی درخواست کردی۔
سیکیورٹی ذرائع کا مزید کہنا ہے کہ افغانستان جانب سے کی پاکستان سے بھاری جوابی کارروائی روکنے کی درخواستیں کی جارہی ہیں۔
پاکستان نے افغانستان کی جنگ بندی کی درخواست مسترد کر دی
پاکستان نے افغانستان کی جنگ بندی کی درخواست مسترد کر دی، پاک فوج نے دہشتگردی کے خطرات کے خاتمے تک کارروائی جاری رکھنے کا عزم کر رکھا ہے، افغان فورسز نے منہ توڑ جواب ملنے کے بعد پاکستان سے جنگ بندی کی درخواست کی تھی
