پاکستان کی سینئر اداکارہ عابدہ بیگ نے وزیر اعلیٰ پنجاب مریم نواز سے اپنی مدد کے لیے اپیل کی ہے۔ اداکارہ کا حالیہ ویڈیو کلپ سوشل میڈیا پر وائرل ہوا ہے جس میں وہ آبدیدہ نظر آئیں۔
ویڈیو میں عابدہ بیگ نے کہا کہ وہ 35 سال تک فن کی خدمت کر چکی ہیں اور ان کے مرحوم شوہر مرزا رشید اختر نے بھی 40 سال انڈسٹری کو دیے۔ انہوں نے بتایا کہ مشکلات کے باوجود وہ کام کے لیے سیٹ پر جاتی رہیں، لیکن اب وہ شدید مالی دباؤ میں ہیں۔
اداکارہ نے بتایا کہ ان کے گھر کی چھت بھی چھن گئی ہے اور اتنے پیسے نہیں کہ کرائے کے گھر میں رہ سکیں۔ انہوں نے وزیر اعلیٰ پنجاب سے اپیل کی کہ ان کے گھر کو بچانے اور انہیں مالی مدد فراہم کرنے میں مدد کی جائے، کیونکہ ان کا کل اثاثہ صرف یہ گھر ہے۔
یہ معاملہ سوشل میڈیا پر بھی صارفین کی توجہ کا مرکز بن گیا ہے اور عوام نے اداکارہ کے حق میں مدد کی درخواستیں شروع کر دی ہیں۔
