اسلام آباد: سینیٹر فیصل واوڈا نے کہا ہے کہ ریاست نے اپنا دوٹوک موقف پیش کر دیا ہے اور اب کسی بھی قسم کی خلاف ورزی کو بال برابر بھی برداشت نہیں کیا جائے گا۔
اپنے بیان میں فیصل واوڈا کا کہنا تھا کہ انہوں نے پہلے ہی نرم لہجے میں بات کی تھی، تاہم اب ریاست کی جانب سے واضح جواب آ چکا ہے کہ پاکستان، اس کی افواج اور شہداء کا مذاق اڑانا ناقابلِ قبول ہے۔
فیصل واوڈا نے مزید کہا کہ فوج کے خلاف کسی بھی دشمن ملک کے بیانیے کو ہرگز برداشت نہیں کیا جائے گا اور ریاست نے آج اپنا موقف پوری وضاحت کے ساتھ سامنے رکھ دیا ہے۔
