کراچی: ڈائریکٹوریٹ آف کالج ایجوکیشن نے شہر کے تمام کالجز میں تمباکو اور منشیات کے استعمال پر فوری پابندی نافذ کر دی ہے۔
جاری کردہ نوٹیفکیشن کے مطابق کالج کی حدود میں سگریٹ، ویپ، نکوٹین پاؤچ، پان اور گٹکے کے استعمال کی اجازت نہیں ہوگی۔
ڈائریکٹوریٹ آف کالج ایجوکیشن نے تمام کالج پرنسپلز کو ہدایت جاری کی ہے کہ تعلیمی اداروں میں منشیات سے پاک ماحول کو یقینی بنایا جائے اور پابندی پر سختی سے عمل درآمد کرایا جائے۔
اس کے علاوہ، کالجز کے اطراف تمباکو اور منشیات کی فروخت اور استعمال کی روک تھام کے لیے ڈپٹی کمشنرز کو بھی ضروری اقدامات کرنے کی ہدایت پر مبنی مراسلہ جاری کر دیا گیا ہے۔
