جماعت اسلامی نے کراچی میں جاری پانی کے بحران کے خلاف آج شہر کے مختلف مقامات پر احتجاجی مظاہروں کا اعلان کیا ہے۔ ترجمان جماعت اسلامی کے مطابق پانی کی عدم فراہمی کے خلاف مرکزی احتجاج نمازِ جمعہ کے بعد کے ایم سی ہیڈ آفس کے باہر منعقد ہوگا۔
مرکزی مظاہرے سے کراچی کے قائم مقام امیر جماعت اسلامی، سیف الدین ایڈوکیٹ خطاب کریں گے۔ اس کے علاوہ شہر کے مختلف علاقوں میں بھی جماعت اسلامی کی جانب سے پانی کے بحران کے خلاف احتجاجی مظاہرے اور عوامی اجتماعات منعقد کیے جائیں گے۔
